【智識賺】OpenAI新模型引爆失業潮、通縮？

【Now財經台】OpenAI今日(7日)發布新一代模型「GPT 6 Astra」，引來市場一陣迴響，新技術喺Token成本不斷下跌，但企業用量又未追得上嘅情況下，對人工智能(AI)巨頭會否帶來龐大資本開支？

復星國際資產管理投資經理李曉翀認為，GPT 6 Astra唔係一面倒咁勁，有啲範疇都輸比「Anthropic Fable 5.1」，不過，今次GPT 6 Astra嘅思維鏈係喺唔明顯嘅情況下，運行複雜工序同任務，如果唔特別制止發展，相信有機會會滲透其他行業，造成失業，甚至乎階段性通縮，除人工智能編程(AI coding)以外，亦有機會有新應用。

李曉翀又指，由於呢個模型需要10萬圖形處理器(GPU)，尤其係預訓練過程需要更多GPU，短期對硬件需求信心強勁，相信對於內存等上游材料需求會更強勁。