【期匯決算】小麥價格繼續睇升

【Now財經台】玉米、小麥及大豆價格日前抽升，但昨日(1日)又齊齊向下，近期中東戰事升級，加上超強厄爾尼諾現象(EI Nino)，理應利好呢啲農產品，不過，價格昨日急回，價格後市會點行？

獨立外匯商品分析師譚家康指，天氣對農產品影響好大，近幾年好多農產品價格都係1年升、1年跌，玉米、小麥及大豆價格其實升咗好多，已迫近2023年俄烏戰事開打時水平，由於天氣問題及戰事持續，導致供應出現問題，所以呢3類農產品價格齊向上。

Pierce續指，特別睇好小麥價格走勢，因為近日有報道指，俄烏喺黑海嘅戰局膠著，影響黑海嘅運輸，而俄烏係小麥產量較多嘅國家，喺呢個情況下會令小麥價格持續向上。