【環球金融快線】Palantir股價見2字頭有難度？

【Now財經台】人工智能(AI)企業、數據分析公司Palantir第2季業績強勁，收入按年大升逾90%，當中來自美國政府嘅軍工合約佔比仍然最大，不過，增長最快係來自美國商界嘅收入，唔止生意多咗，淨利潤增速都好快，自由現金流首度突破12億美元。此外，Palantir上調全年收入預測，點睇呢份業績？Palantir股價昨晚(4日)收市狂飆逾29%後，仲值唔值博？

獨立市場策略師何啟聰指，市場認為Palantir主要服務美國政府，來自商界上嘅定好難增加，由於第2季美國政府比咗好多生意Palantir，市場都預咗業績會靚仔，但估唔到商業定單都大增，所以業績遠超預期。

Ivan又話，市場對Palantir會被AI搶走市場嘅憂慮細咗，相信公司估值會上升，而股價喺150至160美元有支持，但要升到180至200美元水平，就要市場氣氛配合先會有足夠上升動力，依家Palantir動態市盈率(PE)逾60倍，估值偏貴。