【息賺】新手買債揀美國短債

【Now財經台】美國聯儲局維持息率不變後，美國長債息繼續升，30年期國債孳息率升穿5.2厘，創2007年以嚟新高。長債息高企，係咪會帶嚟好多隱憂，例如債市危機、外國央行拋售美債、企業融資成本等？

獨立市場策略師何啟聰指，一般嚟講，聯儲局利率只會同短期利率有較大相關性，例如1年期美國國債孳息，而長債孳息係受供需及市場信心所影響。

Ivan又話，長債息未來要面對嘅問題好多，亦好複雜，例如美國長期赤字問題。此外，因為7月好多科企都出現負現金流，市場亦開始擔心人工智能(AI)發展會出問題，影響美國後續經濟走向，中間係一環扣一環，因此，如果投資者要投資債券市場，Ivan建議專注返短期美國國債會較佳，較穩定之餘，收益預期性亦會較高。