【FINTERVIEW】南韓槓桿風暴幾時完？(上)

【Now財經台】槓桿產品風暴打殘南韓股市，首爾綜合指數今個月累跌近30%，若以高位計，更累跌逾40%，有大行認為，當地去槓桿已基本完成，美股半導體股昨晚(30日)勁彈，三星電子(Samsung Electronics)及SK海力士(SK hynix)等今日(31日)都中幅反彈，去槓桿係咪已大致完成？投資者幾時可以重新入場？

安柏環球金融首席投資總監雷志海指，冇一個指標可以判斷去槓桿實際情況，現時有槓桿成分嘅交易所買賣基金(ETF)，資產規模及價格齊插水，ETF發行量縮減，但市場嘅消極情緒未有擴大，雖然南韓股市持續下滑，但睇返板塊唔係全面下跌，甚至上升股份數目略多下跌股份，加上見到有投資者開始換馬，都係一個正面指標。

John續指，有外國投資者選擇喺股市套利，令資金開始流入韓股其他板塊，對股市嚟講係一個正面發展。