【專家分析】小心Apple股價喺高位獲利回套

【Now財經台】蘋果公司(Apple Inc.)喺昨晚(30日)美股收市後出咗季績，收入按年增長約16%，純利按年增長27%，期內，iPhone銷售收入按年增長近22%至逾542億美元，破歷來第3季紀錄，Mac機亦賣得好好，不過，股價盤後挫逾6%，點睇呢份業績及股價？

以立投資管理董事總經理兼投資總監林少陽指，Apple股價喺業績前已急升，今年以嚟股價升幅喺「科技7雄」(Magnificent 7)之中領先，反映主要係投資者趁好消息出貨。

Vincent續指，過往市場憂慮超大規模雲端服務商(Hyberscalers)會過度擴張資本開支，認為Apple支出相對冇咁大，如果日後4家服務商嘅人工智能(AI)相關雲計算業務增速仍然好快，市場憂慮就會消退，到時Apple股價有機會喺高位出現短線獲利回套。

佢又話，預期Apple硬件銷售會提速，如果股價有足夠深調整，唔應該睇得太淡。