【槓桿致勝】Tesla CALL/PUT條款點揀？

【Now財經台】Tesla明日(22日)就會公布第2季業績，綜合市場預測，Tesla第2季營收將按年增長約16%，股價喺放榜前夕有沽壓，昨晚(20日)收市跌近3%，有興趣嘅投資者可以點部署？

法興證券上市產品銷售部董事蔡秀虹認為，投資者可以喺Tesla出業績前或周四(23日)美股開市前做超前部署，近日Tesla股價回落至370美元水平，市場上較熱門嘅CALL輪條款，行使價約490美元，10月初到期，實際槓桿8.5倍。如果睇淡Tesla後市，可以留意長身，較貼價，實際槓桿3.5倍嘅PUT。