【名家給力場】結好控股私有化有機失敗

【Now財經台】結好控股(00064)今日(20日)復牌，股價一度大升逾13%，成交亦配合升勢，結好獲主席兼大股東洪漢文提私有化，完成後將會退市，每股作價4元，較停牌前有約18%溢價，當中2元由大股東以現金支付，餘下2元則以派特別息方式支付，即係用公司內部現金支付，遭小股東否決機會大唔大？

《香港股票財技密碼》作者梁杰文指，雖然一旦成功私有化，小股東係賺到溢價，但其中2元係以派特別息方式支付，加上小股東要放棄公司未來增長前景，另一方面，結好取消上年度穩定派息，但轉頭又提出私有化兼部分作價以特別股息形式支付，反映公司財務狀況非常健康，有能力支付巨額特別股息，呢啲都可能令小股東不滿。

Mike又指，今次私有化溢價唔高，同每股資產淨值折讓(NAV)都大，雖然結好大股東持有超過50%股權，但要成功私有化門檻高，須獲逾75%獨立股東支持，反對亦須低於10%，所以私有化有機會失敗。