【期匯決算】人仔先睇6.78至6.8支持區

【Now財經台】內地今朝(14日)出咗外貿數據，表現好過預期，以美元計價6月出口按年增長27%，進口按年增長36%，但數據公布後，人仔未受太大刺激，人仔走勢係咪要等埋明日(15日)，內地公布第2季國內生產總值(GDP)數據，先至有更明確方向？

1uptick Analytics首席分析師杜浩霆指，其實人仔方向已經好明確，大方向係2025年開始走強，去到近期喺6.8至6.78水平有阻力，由於內地經濟過去半年主要靠出口撐，其中，以人工智能(AI)出口為主，但AI強勢會唔會持續，或者比之前更強，佢暫時就有保留，而之前公布嘅製造業採購經理指數(PMI)，亦反映國內經濟唔算好好，內需及內循環效果暫時亦未見好轉，因此，市場預期明日公布嘅GDP會比較差，如果表現真係唔好，人仔未必再持續走強，暫時可以睇6.78至6.8呢個支持區，睇下有冇機會轉弱返少少，吼位入市。