【環球金融快線】美伊再開戰油價仍難重上百關？

【Now財經台】美伊爆發新一輪軍事衝擊，因應之前美伊停火，高盛、摩根士丹利、瑞銀等大行，相繼下調油價目標至每桶介乎75美元至84美元，不過，依家美伊又再開戰，油價會唔會重返100美元水平？

獨立市場策略師陳俊文指，雖然前晚(12日)倫敦布蘭特期油大升5%，但只係處於78美元水平，連80美元都未到，反映油價上升動力已明顯減弱，更重要係，油價升幅亦反映市場唔認為戰事會持續好耐。

Norman又話，如果美伊戰事拖好耐、關係再度惡化，以及霍爾木茲海峽(Strait of Hormuz)完全冇機會重開，到時油價先有機會重上100美元水平。