【FINTERVIEW】金價破悶局要睇兩樣嘢(上)

【Now財經台】國際金價自高位每盎司約5600美元回落，一度失守4000美元，但後來出現反彈，不過，昨晚(13日)又跌穿4000美元，主要受美國加息預期升溫影響，點睇金價後市？繼續向下機會大唔大？

惠理基金ETF業務高級策略師趙善德指，現時金價已price in咗加息1次嘅預期，依家係一個反反覆覆嘅格局，金價冇大幅下滑主要受結構性因素支持，包括央行持續買金，例如人民銀行連續20個月買入黃金。佢又認為，金價一般落到3900美元水平就會有反彈，若地緣政治問題解決，美國聯儲局唔加息，又或者減息，到時金價有機會上衝。

Alex續稱，環球央行自2022年俄烏戰爭後，一直有吸納黃金，雖然國際黃金協會(WGC)調查報告預期，唔少央行都會繼續買金，但投資者亦需從利率、地緣政治及通脹層面切入，以評估金價未來走向。