【麥當勞又賣舖】過億沽大埔昌運中心舖 持貨38年升值逾5倍

【now.com財經】連鎖快餐店美國麥當勞總公司，近年陸續出售香港嘅舖位，繼早前以9300萬元沽出持貨近40年，位於深水埗嘅自用巨舖後，最新出售另一個成交價更高嘅自用巨舖。

集團以1.26億元沽出位於大埔昌運中心，面積近9000平方呎嘅自用巨舖，呎價逾14000元，持貨約38年，帳面升值逾5倍，值得留意係，呢個舖位喺去年10月才完成全面翻新工程。

至於舖位買家係馬來西亞吉隆坡房地產開發商SKS TAIPO LIMITED，據悉，公司兩名董事係金鳯集團(MBWorld Group Berhad)相關人士。