【息賺】可逐步加注5至10年期美債

【Now財經台】債券投資部署要睇未來息口前景，睇返美國國債收益率，依家嘅孳息曲線大致正常化，令長息高於短息，喺孳息曲線正常化下，買短債還是長債較好？有咩年期選擇？

FSM豐盈全球(香港)總經理陳家朗指，投資國債要睇孳息曲線，兩年前，孳息曲線仍出現倒掛情況，令短債收益率高過長債，不過，隨著美國聯儲局步入減息周期，孳息曲線已正常化，愈長年期收益率愈高，令長債吸引力回升。

Jackson又指，投資者需留意長債仲有冇上升空間，因為長債價格敏感度高，若聯儲局爆冷連環加息，長債價格會大冧，建議投資者可以慢慢增持5年至10年嘅國債，不過，再長年期嘅國債暫時唔係最佳吸納時機。