【環球金融快線】等三星股價回調30%再諗買貨

【Now財經台】三星電子(Samsung Electronics)日前交咗一份靚業績，上季利潤狂飆18倍，收入亦按年大升逾1倍，兩條大數都好過預期，單計呢份季績，三星成為全球最賺錢公司，但出完業績後，三星股價大冧，業績靚兼估值平，係咪可以趁調整買貨？

獨立策略師何啟聰指，市場發現人工智能(AI)應用方面，落地情況冇預期咁樂觀，而內存記憶體不斷加價，又多咗政治壓力要求增產，導致消費晶片市場為通脹帶來壓力，雖然增產方案陸續出爐，但市場仍因應用情況開始擔心產能過剩，導致價格大幅插水。

Ivan又話，其實依家三星已去到「完美估值」，只係投資者嘅悲觀睇法導致股價出現大調整，佢估計，要等三星股價自高位回調約30%，先值得開始留意。