【名家給力場】傳統股下半年有望跑出

【Now財經台】環球股市下半年開局都唔錯，港股日日升，美股3大指數就以道指造得比較好，而上半年超強嘅日本及南韓股市就先跌後回升。據南韓媒體報道，三星電子(Samsung Electronics)正跟客戶磋商，DRAM(動態隨機存取記憶體)售價第3季或加價20%，硬件股近期跌勢係咪健康調整？下半年投資主題有咩變化？

冠域商業及經濟研究中心主任關焯照博士認為，科技股之前升咗好多，回調逾10%，主要係估值過熱，令資金換馬至較有實力嘅股票。美國最新非農就業數據令市場覺得聯儲局加息機會微，呢情況會有利傳統股。

關博士續指，道指昨晚日(2日)升近600點，再破頂，但升幅主要來自科技股如微軟(Microsoft)、蘋果公司(Apple Inc.)，以及其他傳統股具韌性，一般嚟講，資金換馬就會見到傳統股升，睇返整體經濟環境，估計下半年傳統股會做得較靚仔。