【全民打新】入飛抽立訊精密博短線20%水位？

【Now財經台】本身已經喺A股上市，依家招緊股嘅「果鏈」立訊精密(02475)，下周一(6日)就截飛，集團今次集資最多約240億元，有望成為今年新股「集資王」。蘋果公司(Apple Inc.)早前宣布Mac及iPad加價，對立訊精密有咩影響？ H股招股價63.28元，較A股有約16%折讓，如果仲未入飛，值唔值得最後衝刺？

Blue Water Capital投資總監李澤銘認為，由於Apple將Macbook成本上漲壓力轉嫁予消費者，而唔係生產商，加上睇返立訊精密收入及利潤仍維持喺明顯增長區間，毛利率第1季亦處於擴張區間，因此，Apple產品加價對立訊精密影響唔大。

Alan又話，由於立訊精密招股價較高，整體中籤率應該較高，又估計短期潛在升幅約10%至20%。至於中長線回報，佢認為不論A股或H股，AI炒風都會成為立訊精密股價催化劑。