【環球金融快線】現價買SpaceX博上返2字頭冇著數？

【Now財經台】SpaceX今年6月12日以135美元上市，當日收市炒高近20%，其後曾升至225美元高位，市值一度迫近3萬億美元，但之後輾轉回落，股價依家喺160美元水平上落。綜合市場給予SpaceX嘅目標價，介乎115美元至401美元，如果現價買SpaceX，假設未來上返225美元，回報逾40%，到底值唔值博？

獨立分析師黃耀宗指，短線嚟講，根據被動指數一定覺得唔抵買，但如果用分析角度，SpaceX人工智能(AI)模型應用場景唔多，比較落後及輸蝕，而180美元至190美元已經係市場認為嘅上限，就算上返225美元都係貴。

佢又話，睇返依家嘅現金流，投資者擺嘅最低位都差唔多，都係120美元水平，反而上望空間最難估。

Andy續指，如果SpaceX突然出到一個好嘅模型或工具，就已經可以改變應用場景，有機會令財務報表更靚，長遠嚟講係值得觀望，但短期嚟講有下行壓力。