【槓桿致勝】過周末揀遠價恒指熊仔

【Now財經台】港股7月開局暫時連升2日，恒生指數今朝(3日)一度再飆逾400點，已成功收復23000關及10天線，近日好淡友都揀得比較進取，好友乘勝追擊，還是選擇食糊離場？

中銀國際證券衍生產品部董事朱紅指，最近大市表現都幾令人失望，恒指喺上半年見過28000點高位，低位就見卨2500點，回調幅度都幾深，投資者都期待恒指7月有返個似樣少少嘅反彈，大市呢兩日持續反彈，希望可以繼續守住23000點，然後逐步向上。佢又話，下星期有大型新股上市，希望整體市場氣氛有改善。

條款方面，佢就話，恒指牛證有較多投資者留意收回價22700點、22800點，熱門恒指熊證收回價23700點、23800點，如果諗住坐過夜及周末，建議收回價揀返遠少少，始終大市依家反彈緊。