【期匯決算】英鎊暫時睇1.34水平

【Now財經台】踏入7月及下半年，十國集團(G10)貨幣中表現最好係英鎊，暫時連升第6日，英鎊喺5月及6月跌逾1%，近期低位落到1.31水平，跌至7個月低位，近日上返1.32樓上，係受咩因素推動，英鎊後市點睇？

獨立外匯商品分析師譚家康指，6月前市場一直關注通脹問題，霍爾木兹海峽(Strait of Hormuz)令英國通脹持續，好多文章及訪問指出，唔少英國人後悔脫歐，所以新首相應該會傾歐多啲，而有冇利好政策令經濟走出困局將會係關鍵。

Pierce又指，英鎊呢兩年大部分時間喺1.315至1.365水平徘徊，再睇長啲基本係一個橫行格局，暫時冇利好因素令英鎊上返區間頂部，所以暫時目標睇中軸水平，即1.34水平，如果再向下可能係一個買入嘅好時機。