【名家給力場】日央行自製「日圓完美風暴」？

【Now財經台】市場預期，日本央行加息步伐緩慢，加上美國聯儲局今年仍有機會加息，令日圓持續受壓，日圓匯價近日跌至40年低位，日本財政大臣片山皋月提及，會密切留意匯率波動，又暗示政府隨時準備「托市」，點分析日圓匯價走勢？

資深銀行家劉卓衡表示，有唔少因素令日圓偏弱，依家美息喺3.75厘水平，日本利率只係約1厘，雙方息差有利美元，另一方面，日本經濟結構出現改變，以往係靠出口，但依家反而錄得貿易赤字，新政府上台後亦唔著重改善赤字問題，加上軍事化令到有套息交易。

佢又話，依家日本通脹唔算太差，不過，如果日央行係考慮發債成本問題，而唔係加息，通脹會繼續升，匯率自然受壓，亦提供咗完美嘅環境比一啲對沖基金、炒家去狙擊日圓。