【環球金融快線】iPhone 18「洩密」事件影響唔大

【Now財經台】勒索軟件World Leaks從蘋果公司(Apple Inc.)印度供應商塔塔集團(Tata Electronics)，竊取了一批數據，披露咗iPhone 18 Pro敏感供應商，今次「洩密」事件對Apple發布新手機有幾大影響？會唔會打擊Apple股價？

易方資本投資組合經理王逸研指，近年Apple嘅保密工作做得唔係太好，發布會未開市場已知道新機新功能、外觀，加上市場一直追蹤住「果鏈」，唔使等「洩密」都大概知道硬件廠商嘅產能、份額分布，如果要臨陣換將都好困難，過往Apple喺1月至2月就開始調節生產線，配合第3季度大規模出貨，所以就算供應商名單外洩，都唔會影響供應商喺每個零部件嘅份額，亦唔會對集團有太大影響。

Isaac又指，今次「洩密」事件對Apple股價影響有限，因為佢喺「科技7雄」(Mag 7)中表現算較好，無巨額資本開支之餘，又以繼續回購，的確比較吸引。