【環球金融快線】金價差不多見5字頭要「落車」

【Now財經台】金價年初表現強勢，由每盎司4300美元起步，一路衝上5400美元，之後見頂回落，不過，美伊戰爭爆發後，金價不升反跌，上季累跌逾15%，險守4000美元關口，如果同美元比較，金價係咪好難重拾升勢？

資深經濟分析師羅家聰指，金價要重拾升勢又唔係好難，今年有一段時間，美元同金價走勢背馳，但幅度未必對應，依家美匯指數上到101水平有阻力，相信後市會回返少少。

KC又話，依家金價下試4000美元見咗底，加上波幅大，相信短線會有一個幾強勁嘅抽升，上到4300美元至4400美元左右，但成個反彈有機會反反覆覆，之後再挑戰4700美元至4900美元，基本因素就冇太大變化。

佢提醒，依家上升通道介乎4000美元至5000美元，投資者要喺上到5000美元前識得「落車」。