【期匯決算】人仔短期唔會持續走強？

【Now財經台】人民銀行連續兩日進行隔夜逆回購操作，市場解讀為釋出寬鬆訊號，甚至有個別大行認為係變相減息，到底呢個講法成唔成立？人仔未來係咪會慢慢轉弱？

1uptick Analytics首席分析師杜浩霆指，人仔上周已見咗近期高位，即6.75水平，人行唔想人仔升得咁急，所以短期應該唔會減息，並可能將人仔控制喺呢個水平，至少唔畀人仔繼續走強。

Perry又指，如果美元喺未來1季見頂後轉弱，人行就唔需要做減息等動作，依家人仔係亞洲貨幣中最強，會有空間回返少少，如果企得穩6.7至6.8水平呢個支持區，上返6.9水平都唔出奇。