【環球金融快線】Volkswagen投資價值唔吸引

【Now財經台】大眾汽車(Volkswagen)市值約368億歐元，預測市盈率(PE)僅3.7倍，股息7.2厘，市帳率(PB)及市銷率(PS)僅0.2倍和0.1倍，單睇呢啲數字就好平，加上股價今年已累跌近30%，投資價值有幾大？

獨立市場策略師陳俊文指，由於Volkswagen生意收縮緊，加上經營環境困難重重，所以現階段睇PB冇乜意思，PE的確平，因為過去3年公司盈利不斷倒退，加上市值仍介乎300億至400億歐元，除非集團可以扭虧為盈，或者盈利唔再跌，雖然盈利上唔返170億歐元高位，但起碼都要去返100億歐元以上，否則，投資價值唔大。

Normanr又指，若Volkswagen唔能夠虧轉盈，現金流又繼續錄得負數，PB及PS低都未必有幫助，但佢強調，集團唔係冇投資價值，只係唔算吸引。