【名家給力場】恒指7月初有機彈上25000點？

【Now財經台】恒生指數喺今日(30日)6月最後一個交易日，再度失守23000關，總結6月，恒指暫時累跌約2400點或近10%，上半年就累跌2877點或11%，明顯受6月市況拖累，有指港股弱勢係因為美元強，美元幾時會回落，到時港股係咪會出現反彈？

資深經濟分析師羅家聰表示，與其話強美元影響港股表現，不如話走錢，睇返美股，美元走強但表現亦唔係十分差，但唔可以完全話冇關，當資金流走時，恒生指數都跌緊，尤其6月中旬以後，成件事都好清楚，就係資金走。

KC又指，美匯指數喺現水平，即102、103應該會回一回，港股有機會出現階段性反彈，唔排除7月會行返一個反彈市，要上返25000點樓上唔係太難，而且可能好快就出現，即一踏入7月隨時抽高1000、2000點，但要上到26000點以就唔敢講，原因係...