【槓桿致勝】恒指牛熊證點擺位？

【Now財經台】港股近期弱勢，昨日(29日)終於出現反彈，收復23000關，不過，今日(30日)又跌過，係咪反映市底仍比較弱？投資部署方面，好淡友都揀到最貼，恒指牛證收回價喺22500點，距離現價約200點，恒指熊證收回價就距離現價逾500點，如果睇好後市應該點部署？

胤源世創家族辦公室(香港)第一副總裁黃偉豪指，港股彈咗1日又跌過，反映個市比較弱，而23000點有較大阻力，大市跌咗咁多，一定有投資者博短線反彈，好倉方面，明日(7月1日)係假期，如果過夜，牛證收回價可以考慮擺22000點。相反，若認為大市會再跌，但佢提醒小心出現昨日呢類情況，即係夾一夾再跌過，如果都係突破唔到23000點，熊證收回價可以擺23500點以上。