【期匯決算】油價上望空間有限

【Now財經台】雖然美伊過去兩日曾互相空襲，但最新又話要停火談判，油價就繼續受壓，紐約期油失守每桶70美元，逐步回落至戰事前水平，未來下跌空間係咪有限？

ATFX亞太區首席分析師林銘添認為，油價未來有幾大下跌空間需視乎市場反應，美伊和談有進展，霍爾木茲海峽(Straits of Hormuz)已開通近60%，有助釋放原油，紓緩供應緊張問題。不過，投資者仍要留意環球經濟情況，會唔會受地緣因素影響而減少對原油嘅需求，因為需求疲弱就冇可能推高油價。

Martin又指，當油價回調至介乎62至64美元，可視為一個支持區間，若美伊繼續保持和平局面，油價就較難上返72至74美元水平。