【環球金融快線】OpenAI上市死守萬億估值不切實際？

【Now財經台】據《紐約時報》報道，OpenAI美國IPO擬押後至明年進行，原因包括科技股及SpaceX上市後走勢十分波動，以及市況不穩等，上市顧問建議一係押後，一係下調目標估值，但CEO奧爾特曼(Sam Altman)堅持死守估值，係咪有不切實際之嫌？

高富金融集團投資總監梁偉民認為，最重要都係睇市況，如果市況波動性及對公司估值憂慮都增加，OpenAI仍堅持以1萬億美元市值，上市就會有困難，因為投行方面都冇乜信心，亦會有一定戒心。

Wyman又話，如果市況冇好轉，又或者冇2、3個月前咁狂熱，真係可能要推遲到明年，但都唔代表可以用1萬億美元估值上市，更重要係，反映市場熾熱嘅情緒開始冷卻。