【槓桿致勝】中芯CALL點部署？

【Now財經台】中芯國際(00981)上周五(26日)回調近7%，今早(29日)走勢反覆，一度升3%，其後一度倒跌，中芯好友連續4個交易日離場，5日合計，有近3000萬元流走，見到有一批CALL已到價變成價內，投資者應該點部署？

星展香港環球金融市場上市產品主管周國威指，雖然港股近期弱勢，但作為恒指成分股嘅中芯走勢較強，更一度迫近歷史高位，中線仍跑贏大市，短線就要留意資金會唔會獲利。

Dick又指，中芯價內CALL可考慮換馬價外少少嘅CALL，例如行使價90至近100元水平嘅CALL，但年期就要揀返長少少，起碼3至4個月以上，市場上有10月底到期，行使價約90元嘅CALL，實際槓桿約4倍，既可避免短線調整嘅收回風險，中短線持倉時間損耗亦唔算大，所以部署中芯或類似嘅硬件股時，可考慮保守嘅衍生工具。