【期匯決算】小麥、大豆價格未見底？

【Now財經台】隨著地緣局勢降溫，霍爾木茲海峽(Strait of Hormuz)已完全開放，早前，市傳伊朗遭美國凍結嘅資金獲解凍，部分會用作購買美國農產品。此外，美國總統特朗普(Donald Trump)邀請農民代表出席宴會時，預告伊朗將會購買美國小麥及大豆，規模會相當龐大。早前，因冬麥收成加快，令小麥價格由上月每蒲式耳700美仙水平，回落至約600美仙以下，小麥價格見底未？

ATFX亞太區首席分析師林銘添指，特朗普嘅言論會令農民積極種植大豆及小麥，繼而令農作物價格下跌。此外，睇返過去5年走勢，大豆及穀物價格一般喺7月至8月會偏低，下星期將會踏入7月，預期小麥及大豆價格會開始回落，暫時亦睇唔到有乜嘢因素支持價格，估計仍有少少下跌空間。