【環球金融快線】OpenAI新平價AI晶片有隱藏風險？

【Now財經台】OpenAI周三(24日)發布首款自研人工智能(AI)晶片Jalapeno，其中1個賣點係成本比圖形處理器(GPU)平50%，雖然晶片屬於ASIC，即非通用型晶片，但應該都可以緩解ChatGPT及相關模型龐大嘅算力與能源需求，市場一直擔心OpenAI燒錢速度太快，新晶片成本低對OpenAI係咪絕對利好？

易方資本人工智能應用總監王遨研認為，唔係絕對利好，仍有其他風險要留意，過往做得比較成功嘅ASIC晶片，只有Google嘅張量處理單元(TPU)，以及亞馬遜(Amazon)嘅Trainium，其他表現都麻麻，如果OpenAI自己消化唔晒ASIC晶片，想賣出去做雲運算，其他大模型廠商未必可以輕易用到OpenAI嘅晶片算力。

Owen又話，雖然OpenAI用Codex去做晶片設計可以大幅降本增效，但公司注意力好分散，想參與機械人業務之餘，又想學蘋果公司(Apple Inc.)整支筆出嚟，所以模型效能提升速度有待觀察。