【環球金融快線】美國晶片股唔平唔買

【Now財經台】今年5月上市嘅晶片設計公司Cerebras，周二(23日)派咗上市後第1份季度成績表，收入逾1.9億美元，按年大增94%，淨虧損收窄至1400萬美元，兩者都好過預期，Cerebras首次公開招股(IPO)定價185美元，最高見過385美元，以現價計已回調咗近一半，但半導體股仍然當炒，Cerebras股價未來會點行?

資深經濟分析師羅家聰指，半導體股引伸波幅大，現在已回調得七七八八，市場或會轉移陣地，所以最近都見到納指跌幅大過道指。

KC續指，要注意未來半導體及晶片供應會唔會過剩，一般3至4年為一個周期，若行業出現宏觀性過剩，整個市場普遍都會跌，他又提醒投資者，建議等呢啲股份跌到低位再考慮入手，而且要精挑細選，揀較先進嘅公司投資。