【環球金融快線】SpaceX已透支入指數憧憬唔好亂上車

【Now財經台】美國富商馬斯克(Elon Musk)旗下太空探索公司SpaceX，喺今年6月12日上市，首日收報160.95美元，較招股價135美元，高逾19%，之後曾見過225美元，市值一度迫近3萬億美元，其後輾轉回落，如果喺現價156美元水平買入，若之後有機會上返225美元，就足足有50%回報，咁睇划唔划算？

獨立策略師何啟聰指，唔建議現價買SpaceX，原因係見到頭幾日上市，雖然股價表現唔錯，但只係因為市場憧憬SpaceX會納入指數，佢提醒，炒股份入指數要睇時間點，一般喺第4個交易日會有好大資金角力，會升得冇咁順，而市場就容易出現失望性拋售，令炒作信念動搖，雖然預期股價呢一兩日會喘定，但要留意今輪反彈結束後，會唔會再向下插。