【期匯決算】英鎊短期仍偏弱

【Now財經台】英國首相施紀賢(Keir Starmer)昨日(22日)宣布辭職，英國10年期債息昨日升至4.81厘，但今日(23日)落返4.77厘，英鎊兌美元見1.3217，英鎊及英國債息後市會點行？

1uptick Analytics首席分析師杜浩霆指，政治不穩一般會令貨幣走弱，不過，施紀賢辭職唔係政治不穩，因為早前已出現工黨有黨員跳槽、地方選舉失利等震盪，依家局勢已經明朗，所以炒離任消息嘅投資者應該已沽空咗。

Perry又話，英鎊上周五(19日)已見咗低位，即1.31水平，昨日公布消息後，預期英鎊短期會有支持，英國債息近期變動唔大，反而美債走強或令英鎊稍微試低位，過去幾個月，英鎊曾兩度喺1.312水平試底，依家處於大支持區間底部，估計短期仍偏弱。