【名家給力場】美私募信貸市場危機惡化？

【Now財經台】美國科技及人工智能(AI)股都傳出一啲負面消息，美國富商馬斯克(Elon Musk)旗下SpaceX上市無耐就計劃發債集資，拖累股價昨晚(22日)急瀉逾16%。此外，Google母公司Alphabet又有AI業務重量級高層離職。美國私募信貸市場亦有隱憂，包括曾爆流動性問題，以及持有軟件企業資產，已一度引發市場恐慌，情況會唔會惡化？

資深投資者莫家強認為，情況可能會惡化，部分借貸或資產管理公司已撐唔住，例如Blue Owl Capital，個別私募信貸相關股嘅股價長期下跌。

Alex續指，雖然有啲數據似乎唔錯，例如標指走勢及科技巨企業績等，但細仔睇，盈利、業務等其實都偏弱，股價亦喺低位彈唔起，若情況持續即意味市場就有「伏」，存在一啲冇辦法解決嘅問題，雖然未爆煲，但投資者必須戒備。佢提醒投資者，雖然依家唔算係高危時期，不過，一旦輿論風向突變，由看淡變看好，就要小心警惕。