【環球金融快線】揀美股軟硬件股有蹺妙

【Now財經台】美股表現愈來愈分化，同為科技股，軟件股微軟(Microsoft)、Salesforce，硬件股超微半導體(AMD)、Sandisk，表現就差天共地，想追強勢股驚接火棒，揸住弱勢股又日日陰陰跌，應該用咩策略應對？

獨立市場策略師陳俊文認為，人工智能(AI)革命明顯不利大部分軟件股，提醒投資者要小心，唔好隨便買貨，如果真係有興趣，建議趁低吸納，而且揀股要好小心，可以考慮能夠頂得住呢個AI浪潮嘅軟件股。

硬件股方面，Norman就話，大部分股價已經升至高位，如果現水平買入，風險回報率唔吸引，建議等呢啲股份回調後，再入手優質股。