【息賺】高息股ETF「一注獨贏」/分散投資？

【Now財經台】高息股交易所買賣基金(ETF)喺6月進一步下跌，自從恒生高息股30指數喺6月8日，正式剔除大量資源及房產股，換入零售股，尤其係恒生高息股(03466)自高位22.4元跌至19元邊緣，點睇呢類高息股ETF前景？股息率吸唔吸引？

獨立市場策略師何啟聰指，港股當中，有幾隻大型高息股ETF都係追蹤恒生指數服務公司旗下嘅高息股指數，持股上會有啲差別，自恒生高息股30指數變成以內需股為主，咁啱撞正內地出咗較弱嘅零售數據，消費股跌幅普遍較大，不過，就算「換馬」石油股、地產股都要跌。

Ivan又話，現階段息率有冇吸引力，在於投資者點睇內需股後市，換馬後，下半年就會押注內需股，而內需仍有憂慮，當唔少資金一走就會令息率變高，佢建議，投資者想做長線部署，就要考慮繼續押注內需股，還是轉為分散投資一啲海外高息股ETF。