【環球金融快線】SpaceX天價吞Cursor睇中乜嘢？

【Now財經台】美國富商馬斯克(Elon Musk)旗下SpaceX上市幾日就已經有大動作，掟600億美元收購人工智能(AI)初創企業Cursor，Cursor年初時嘅估值約293億美元，呢單收購溢價高達100%，交易會以全股票形式進行，Cursor年化經常性收入ARR月初已急升至40億美元，今次收購幫唔幫到Cursor維持收入增速，對Cursor又有咩影響？

資深經濟分析師羅家聰指，雖然Cursor收入初期出現爆發性增長，但未知可唔可以持續，但SpaceX收購Cursor或可帶來協同效益，令增速更快，刺激Cursor股價及市銷率(PS)急升。

KC又指，初創企業可以做到幾多嘢好難講，所以某程度上Cursor會依附SpaceX股價，依家SpaceX股價衝緊上去，會對Cursor有利，不過，若SpaceX「散水」，情況就唔一樣，加上暫時未知Cursor可以幫到Space X乜嘢，所以好難預測之後走勢。