【期匯決算】炒金要睇實呢個位

【Now財經台】金價自美伊戰事開打以來，大部分時間都受壓，資金唔視黃金為避險資產之餘，反而擔心美國聯儲局掉頭加息，導致黃金遭拋售，美伊昨日(14日)終於傾掂數，將於周五(19日)簽和平協議，受消息帶動，現貨金價重上每盎司4300美元，金價後市可以升到幾高？

ATFX亞太區首席分析師林銘添指，股市下跌，加上唔少央行「沽金買油」，以及市場預期美國聯儲局12月有機會加息，呢3個因素令金價回落至4000美元水平。

Martin續指，依家金價只係處於整固期，投資者要留意嚟緊嘅議息會議，睇返技術走勢，未來要留意4450美元水平，不過，若金價進一步向好，4500美元至4600美元會係關鍵位。