【WeLab Bank「智」慧理財 呈獻:智識賺】Fed減息有利SpaceX股價？

【Now財經台】美國富商馬斯克(Elon Musk)旗下SpaceX，已經喺上周五(12日)上市，以1.75萬億美元嘅估值成為史上巨無霸IPO，華爾街券商奧本海默(Oppenheimer)指，SpaceX係現時市場上，唯一集資金、規模、數據、技術去實現太空、通訊，以及人工智能(AI)於一身嘅科技公司，奧本海默給予SpaceX目標價190美元，較首日收市160.95美元，高出18%，SpaceX股價係咪仍有好大上升空間？

易方資本投資組合經理王逸研指，美國同伊朗昨日(14日)終於達成和平協議，周五(19日)正式簽訂協議後，霍爾木茲海峽(Strait of Hormuz)及其他海峽將會重開，無疑係一個重大利好消息，所以市場認為美國通脹已經見頂。

Isaac又話，聯儲局明日起(16日至17日)一連兩日嘅議息會議，將會由新主席沃什(Kelvin Warsh)主持，佢曾經話聯儲局應該重返格林斯潘(Alan Greenspan)時代，當時聯儲局透過微調利率去穩定美國經濟市場，因此，相信沃什有減息及縮減資產負債表嘅意願，而減息對SpaceX等長遠性太空探索類型公司嚟講，確實係利好消息。