【期匯決算】若Yen失守160都唔會跌得太深

【Now財經台】日圓昨晚(3日)失守160，消息面上，日本央行行長植田和男指會繼續加息，而日央行亦表明已準備好隨時出手，所以就算失守160關口，係咪都唔會跌得太深？

獨立外匯商品分析師譚家康指，日央行5月初曾出手干預，當時日圓由160去到155水平，依家因為日本通脹高企，反映好受能源價格波動影響，現時市場普遍認為日央行會加息，日本1個月拆息升咗上去，而拆息預視加息嘅準成度都高。

佢續指，雖然加息後，日美息差收窄機會唔大，但可以改變市場對日圓走弱嘅睇法，日央行到底會唔會再出手，好視乎日圓跌得急唔急，譚家康估計，即使日圓失守160，都未必會跌得太多。