【環球金融快線】巴郡入股Alphabet長遠有利

【Now財經台】Google母公司Alphabet計劃配股集資拓展人工智能(AI)，集資額高達800億美元，當中100億將私人配售予巴郡(Berkshire Hathaway)。集資消息一出，Alphabet股價應聲向下，但對巴郡嚟講，今次入股係咪好事？

易方資本副基金經理王逸研認為，Alphabet配股對全球市場嚟講都唔係一件好事，尤其今次集資規模咁大，Google 8年期英鎊債券，以債務形式融資為主，公司又不斷發新股去稀釋股東權益，因此，會令市場有一定憂慮。

不過，佢續指，巴郡本身對投資科技股有一定掌握及準確度，加上Google獨特之處在於軟硬件一體化，一個full step solution對巴郡有更大吸引力，亦符合集團自身投資理念，所以長遠應會利好巴郡發展。