【WeLab Bank「智」慧理財 呈獻:智識賺】AI對Bitcoin等虛幣有咩影響？

【Now財經台】美國數字資產市場清晰法案(Clarity Act)5月中喺參議院銀行委員會通過後，白宮及支持嘅官員力爭喺6月初成功過埋參議院呢關，正式成為聯邦法律，但可以導致比特幣(Bitcoin)及一眾虛擬貨幣下半年出現波動，點分析Bitcoin未來走向？

亨達虛擬資產及財富管理董事總經理鍾駿認為，Bitcoin價格好可能會一直橫行，暫時睇唔到有咩因素會導致冧價，若投資者以條例係咪可以成功闖關，去判斷Bitcoin價格升跌亦未嘗不可，但佢提醒，條例已推遲咗幾次，投資者要做好期望管理，又指價格波動先可以吸引到投資者。

佢續指，在人工智能(AI)大時代下，要留意人工智能代理(AI Agent)及區塊鏈對Bitcoin等虛擬貨幣嘅影響。

鍾駿提出一個前瞻性假設，若AI及穩定幣(Stablecoin)普及化，會令整個金融體系出現「及時交收」現象，到時流動性資產就極之重要，在「T+0」中，Bitcoin或可以作為即時抵押品，大大提升企業資產流動性。