【息賺】2000年科網狂熱 VS 2027年半導體狂熱

【Now財經台】美國上星期出咗兩個就業數據，即小非農及非農，兩個數字都好過預期，而美國經濟數據整體仍偏強。美股方面，半導體股愈炒愈癲，費城半導體指數(SOX)1個月累升逾38%，呢類股份升得咁癲，依家股市資金流有冇咩變化？

獨立市場策略師何啟聰指，雖然SOX喺短短1個月累升近40%，但唔代表半導體股會即刻出現調整，美股曾經喺2000年初到達科網狂熱頂峰，納指喺短時間內狂飆，但當時未有喺好短時間內出現調整或掉頭向下。

Ivan又指，觸發今輪浪潮嘅原因，除咗相關公司業績交到貨外，亦基於人工智能(AI)狂熱下，市場對CPU(中央處理器)嘅需求預測，雖然現在正經歷半導體狂熱，但同2000年嘅科網狂熱比較仍有一段距離，所以暫時唔使太早睇淡。