【環球金融快線】Amazon勢顛覆美國物流市場？

【Now財經台】亞馬遜(Amazon)推出「亞馬遜供應鏈服務」(Amazon Supply Chain Services，ASCS)，集團會自建物流網絡，全面開放予外部企業，支援貨運、配送、履行及包裹運送全流程，消息一出，即震散聯邦快遞(FedEx)及UPS股價，投下一個物流業震撼彈，隨著未來吸收更多外部客戶，估計呢個板塊每年可錄得雙位數增長，今次Amazon呢個動作對公司有幾大幫助？

易方資本投資組合經理王逸研指，今次業務擴張對提升Amazon投資價值有好大作用，集團本身喺物流業嘅做法都比較激進，為咗搶佔較大市場份額，不惜犠牲利潤或現金流，集團物流團隊自動化程度同業高，利用機械等工具減低運送成本，亦逐漸將人工智能(AI)應用喺配送網絡，提升運輸效率，而AI雲計算係集團最重要支柱，所以今次擴張大計影響正面。