【智識賺】Q-day降臨Bitcoin「末日」倒數？

【Now財經台】近期市場再度關注量子電腦破解加密貨幣技術議題，Q-Day係瓦解現行主流嘅加密演算法，可以破解到比特幣(Bitcoin)等加密貨幣技術，Google喺3月底發出重大警示，指Q-Day最快於2029年會發生，隨後又話，攻撃者現時可能已大量竊取其儲存加密數據，只等Q-Day到來再進行解密，點分析？

亨達虛擬資產及財富管理董事總經理鍾駿指，量子電腦的確係發展緊，可以對加密貨幣造成好大影響，但加密貨幣所採用緊嘅SHA-256密碼程式，比較難破解，相信喺3至5年後先會對加密貨幣造成影響，不過值得留意係，而唔少銀行都用緊SHA-256加密程式，因此，密碼程式一旦被破解，量子電腦對現有銀行加密數據都會有影響。

Stephen續指，全世界只有1％人有加密貨幣，但99％人都有銀行資產，加上攻撃者的確有可能會大量竊取其儲存加密數據，等Q-Day到來再解密，變相要唔要投資加密貨幣已經唔重要，投資者反而係要留意現有資產有冇被銀行保障。