【環球金融快線】Berenberg「零債券」配置唔好盲跟

【Now財經台】在通脹風險升溫下，德國柏恩貝格銀行(Berenberg)提出一套「硬實力、硬資產、硬貨幣」嘅資產配置策略，將45%資金買黃金、貴金屬及比特幣(Bitcoin)資產，35%投資環球股票，20%配置大宗商品，債券佔比就歸零，以對沖通脹及其他市場風險，呢個新策略有冇參考價值？

資深經濟師羅家聰認為，如果貴金屬、Bitcoin及大宗商品佔投資總額三分之二，完全唔部署債券，呢種期貨買賣會倍大槓桿，一旦投資者唔擅於管理資產，價格風險就會大咗，因此，佢唔建議投資者盲跟。

柏恩貝格策略師提及嘅實物投資未有包括物業，KC提醒，雖然各地物業都有一定抗通脹能力，但投資者買樓時都應該視乎周期選擇自住，還是用嚟炒賣。