【槓桿致勝】長飛光纖CALL點揀好？

【Now財經台】光通訊概念股長飛光纖光纜(06869)昨日(22日)爆升逾17%，今朝(23日)再高開2.3%，其後升幅一度擴大至4.9%，高見259.4元，但之後掉頭向下。長飛光纖好倉5日合計，有近800萬元資金流出，今朝股價先升後跌，有冇多返好友入場？熱門CALL輪槓桿逾1倍至逾2倍，點揀會值博啲？

中信證券國際股權衍生品銷售聯席董事李佳原指，今朝資金唔係好踴躍，雖然長飛光纖股價跌，但近期走勢仍相對強，暫時仍企喺相對高位。

佢又話，長飛光纖CALL輪近期有新條款，行使價約330元，唔同嘅換股比率令輪價落到約0.1元，都好受投資者歡迎，新資金都係揀呢批CALL做部署。