【槓桿致勝】揀MiniMax CALL有咩要留意？

【Now財經台】人工智能(AI)概念股昨日(21日)普遍回套，今朝(22日)個別有反彈，其中，MiniMax(稀宇科技)(00100)今早低開後，好快就倒升，一度高見957元，升6.5%，衝破10天線。MiniMax第1批CALL輪昨日上市，有逾110萬元資金流入，槓桿及到期日都差唔多，個別行使價1380元，甚至去到3800元，價外逾3倍，點解輪商出啲咁遠價嘅條款？

中銀國際證券衍生產品部董事朱紅指，MiniMax都係近期市場焦點，股價屢創上市新高，近期喺950元水平上落，正股一手入場費超過2萬蚊，MiniMax窩輪嘅輪價只係4毫幾子至7毫幾子，整體嚟講，入場費都係幾百蚊，平正股一大截，行使價介乎1380元至3800元，佢建議留意中價CALL，即2千幾蚊，又提醒要留意有啲係1000股一手，有啲就10000股。

Niki又話，引伸波幅方面，MiniMax歷史波幅都非常高，超過100窩，甚至去過200窩樓上，唔少投資者都揀返中位選擇。