【期匯決算】沃什言論唔足以影響美元

【Now財經台】美國總統特朗普(Donald Trump)提名嘅下任聯儲局主席候選人沃什(Kevin Warsh)，將會喺本港時間今晚(21日)出席國會聽證會，爭取確認聯儲局(FED)主席提名，佢嘅發言內容對美元及債市有幾大影響？還是更受美伊係咪可延長停火期影響？美匯指數第2季會點行？

獨立外匯及商品分析師鄭廣復表示，沃什係矽谷出身，佢大部分資產都係人工智能(AI)相關股及加密貨幣(Crypto)等，如果佢落實接掌聯儲局，意味Fed將會進入一個新世代，未來會由AI主導，唔再只睇就業數據等預測利率走向，而係由新角度切入，考慮到AI發展會降低人力成本，會加快產能及研發速度，而需求面嘅影響因素改變，或會產生通縮效應，到時未必需要加息遏通脹。

Patrick又估計，美元短線都係受美伊談判結果影響，而沃什現時只係候選人，會唔會成為Fed下任主席仍是未知之數，所以市場對佢嘅發言反應唔大。